जगद्गुरु श्री कृपालु जी महाराज अनुगत सम्पुर्ण गुरु परिवार, साधक साधिका, भगवद् प्रेमानुरागी जनमा वर्तमान समयमा पर्न गएको एउटा ठुलो चुनौतीपूर्ण अवस्थाबाट गुज्रनु परेको बखतमा समयले पार्न गएको अर्को पाटोमा हाम्रो गुरुवरले आज भन्दा ठीक ६७ वर्ष पहिले इ सन् १९५७ को १४ जनवरी तारिख तद्नुसार वि. सं २०१३ को मकर संक्रान्तिको दिन काशी स्थित काशी विद्वत् परिषद्बाट जगद्गुरुत्तमको उपाधि प्राप्त गर्नुभएको दिव्य एवं सुखद पावनक्षणको स्मरण, चिन्तन र मनन गर्दै सो उत्सव मनाउने बेला आएको छ।

परम प्रेम रससिन्धु युगल सरकार श्री राधाकृष्णका असीम अनुकम्पा र अकारण करुणाले गर्दा “विश्वको प्रत्येक जीवले केवल आनन्द प्राप्तिको लागि नै प्रयत्न गर्दछ र त्यो आनन्द भनेको नै भगवान् हुन्” भन्ने कुरा हामीले हाम्रा परमाराध्य गुरुदेव जगद्गुरुत्तम श्री कृपालु महाराजका दिव्य प्रवचन वाणीहरु र सत्संग साधनादिबाट गहन रुपले जान्ने सु-अवसर पायौँ ।

गुरुपूर्णिमा पर्व गुरुचरणमा पूर्णरूपमा समर्पित हुने प्रेरणा प्राप्त होस् भन्ने शुभकामना व्यक्त गर्ने सुअवसर हो । गुरुपूर्णिमा नामले प्रसिद्ध आषाढशुक्ल पूर्णिमा तिथि यसवर्ष मितिका हिसाबले साउन ६ गते
परेको छ तापनि आषाढ महिनाले गुरुमहत्त्वलाई दर्साउँदछ। हामीहरूमाझ साकार रूपमा रहनुभएका भक्तियोगरसावतार जगद्गुरु श्री कृपालु जी महाराज गुरुपूर्णिमाको रहस्यबारे भन्नुहुन्छ-